Materi Bahasa Sunda Kelas 6 Kecap Rundayan

 Materi Bahasa Sunda Kelas 6

Kecap Rundayan

Kecap rundayan teh kecap-kecap anu geus ditambahan ku rarangken. Rarangken aya lima rupa: rarangken hareup, rarangken tengah, rarangken tukang, rarangken barung, jeung rarangken gabung. Anu diulik ku hidep dina ieu pangajaran nyaeta kecap rundayan anu make rarangken tengah. Rarangken tengah sok disebut oge seselan atawa infiks. Rarangken tengah dina basa Sunda aya tilu rupa: 

-ar-, -um-, jeung -in-.

1. Rarangken Tengah -ar-/ -al- 

Tengetan contona!

budak   +   -ar-       =   barudak

mandi  +   -ar-        =   marandi 

leumpang   +  -al-   =  laleumpang   

2. Rarangken Tengah -um- 

haseum   +   -um-    =   humaseum

geulis     +   -um-    =   gumeulis

3. Rarangken Tengah -in-

tulis      +    -in-   =   tinulis

pandita   +    - in-    = pinandita

Tanda Baca

1. Tanda Tanda (?)

Tanda tanya diantarana dipake dina ahir kalimah pananya/ kalimah tanya.

Conto:

1. Tabuh sabaraha angkat ti bumi?
2. Sareng saha salira mulih?
3. Ku naon henteu dibungkus?

2. Tanda Panyeluk (!)

Tanda panyeluk dipake nuduhkeun omongan penyeluk, parentah, jeung anu miharep paniten husus. Parentah teh kaasup pamenta, pangarep-ngarep, pangajak, panyarek, jeung pangdu'a.

Conto:

1. Tulung!
2. Cing pangmeundeutkeun panto!
3. Mugi Bapa kersa sumping dina waktosna!

3. Tanda Kekenteng ("...")

Tanda kekenteng di antarana dipake pikeun ngahapit cutatan langsung tina omongan.

Conto:

1. "Mun geus karumpul, hayu urang indit!" saur Emang.
2. Ceuk indungna, "Kade atuh, urangna sing ati-ati!"
3. "Mamah, wios ku Galih beberesna," pokna ka indungna.

4. Tanda Gurat Condong (/)

Tanda gurat condong di antarana dipake gaganti kecap jeung, atawa, jeung per. 

Conto:

1. Siswa/ siswi
2. Hargana Rp500/lambar
3. Jalan Raya Rancange II/ 3

5. Tanda Titik Dua (:)

a. Tanda titik dua dipake dina tungtung kalimah anu merlukeun wincikan atawa pertelaan.

Conto:

1. Nyi Janah meuli bungbuahan ti pasar: danas, dukuh, jeruk, manalika, jeung salak.
2. Anu milu nganjang ka bumi Wa Asep teh limaan: mamah, apa, Galih, Asih, jeung Kang Ganda.

b. Tanda titik dua dipake sanggeus kecap anu merlukeun wincikan.

Conto:

Dinten: Senen

Ping   : 19 Mei 2021

Tabuh : 08.00 - 12.00

Tempat: Aula SDIT Misbahussudur