Kalimah Aktif jeung Kalimah Pasif

 Kalimah Aktif jeung Kalimah Pasif

Kalimah aktif nyaeta kalimah pagawean anu jejerna nuduhkeun panglaku pagawean anu kaungel dina caritaanana. Kalimah aktif osok disebut kalimah migawe.

Conto:

Rasyid keur nyieun kliping

  jejer      Caritaan    udagan

Conto sejenna:

• Azizah maca novel
• Lindra nyieun patung
• Ratna ngadagangkeun baso

Kalimah pasif nyaeta kalimah pagawean anu jejerna nuduhkeun nu ngarandapan atawa nu kakeunaan pagawean. Kalimah pasif sok disebut kalimah dipigawe.

Conto:

Kliping dijieun ku Rasyid

     J          C            Kat.

Conto sejenna:

• Novel dibaca ku Azizah
• Patung dijieun ku Lindra
• Baso didagangkeun ku Ratna

________________________________________________________________________________

Latihan!

Pek robah kalimah-kalimah ieu di handap tina kalimah aktif kana kalimah pasif; sabalikna, tina kalimah pasif robah kana kalimah aktif!

A. Tina kalimah aktif kana kalimah pasif

1. Kevin melak tomat = ....
2. Fatur nuliskeun harga palawija = . . .
3. Fara meresan buku = . . .
4. Marsya ngulik aksara Sunda = . . .
5. Amanah niup suling = . . .

B. Tina kalimah pasif kana kalimah aktif

1. Tongkat dotancebkeun ku Ghulam = . . .
2. Boneka dibajuan ku Lintang = . . .
3. Buruan disapuan ku Nazila = . . .
4. Runtah dipiceun ku Fahmi = . . .
5. Jamban diberesihan ku Baim = . . .