Basa Sunda tema 5 kelas 6 Wirausaha

 Istilah dina Dagang

Rupa-rupa istilah dina dagang:

1. Agen = wawakil, jalma atawa pausahaan anu dipercaya ngawakilan dagang.
2. Modal = duit anu dipake pikeun ngamimitian usaha dagang.
3. Balantik = dagang leuleutikan.
4. Balik jinis = balik modal, teu boga bati.
5. Bati = kauntungan duit tina dagang.
6. Harga = rega, pangaos, babandingan upama barang diduitkeun.
7. Keketrekan = sarua jeung balantik.
8. Komisi = buruh barang jual anu gede hargana.
9. Konsinyasi = jual titip, nitipkeun barang dagangan ka agen atawa jalma sejen, dibayarna pandeuri.
10. Merek dagang = ngaran barang dagangan.
11. Padurega = wancahan tina paadurega, rebut tawar, silitawar.
12. Paktur = daptar parelean hiji-hijina barang katut hargana di kantot dagang anu gede.
13. Pasar = tempat jelema anu daragang di tempat anu geus ditetepkeun.
14. Rugi = teu boga bati, teu boga untung, teu jadi kauntungan.
15. Untung = loba hasilna, loba beubeunanganana.

Kalimah Pagawean

Contoh kalimah pagawean : "Ibu melak sayuran"

Kalimah pagawean nyaeta kalimah anu unsur caritaanana (C) mangrupa kecap pagawean. 

Seperti kieu:

Ibu melak sayuran

Ibu = Jejer (J) = Barang

melak = Caritaan (C) = Pagawean

sayuran = Panglengkep (pang.) = Barang 

Paribahasa

Geura tengetan conto paribasa di handap ieu;

1. Bibilintik ti leuleutik, babanda ti bubudak, kukumpul ti lelembut, geus gede ngan kari make, hartina kudu daek nyengcelengan.
2. Cikaracak ninggang batu, laun-laun jadi legok, hartina usaha terus-terusan dilakukeun kalawan sabar, tanwande aya hasilna.
3. Disuhun dina embun-embunan, hartina ditarima kalawan kabungahan.
4. Hayang nyapek, kudu ngopek, hartina hayang barang dahar kudu usaha, kudu digawe.
5. Ngadek sacekna, nilas saplasna, hartina jujur, tara pura-pura.

Sumber: Rohilah, imas, dkk. 2018. Rancage Diajar. Basa Sunda. Pustaka Jaya